ดาวน์โหลด "10-бап. Бұл үмметің кейбіреулері пұттарға сиынып кететіндігі жайлы. Ұстаз: Омар Теміртас"

10. Бұл үмметің кейбіреулері пұттарға сиынып кететіндігі жайлы. Алла Тағала сөзінде: {Кітаптан үлес берілгендерді джибт 2 пен тағутға сиынып жатқандарын және де кәпірлер туралы: “Осылар, иман келтіргендерден әлде қайда тура жолда”, - деп жатқандарын көрмеп пе едің} (Ниса, 51). Алла Тағала сөзінде: {Айт: “Сендерге Алланың алдында жазасы бұдан бетер жаманырақ жайлы хабар берейін бе? Олар Алланың лағынетіне ұшыраған және (Алла) оларға ашуланған, әрі олардан маймылдар мен шошқаларды қылған және тағутқа табынғандар”} (Мәйда, 60). Алла Тағала сөзінде: {Істерінің басында тұрғандар: “Біз міндетті түрде олардың үстінен мешіт құрып аламыз”, - десті} (Кәһф, 21). Әбу Сағи́д (р.а.) Алла елшісінің صلى الله عليه وسلم келесі сөзін жеткізді: «Сендер міндетті түрде сендерден бұрын болғандардың жолдарының соңынан садақ оғының бір қылы екінші қылына ұқсағандай ілесесіңдер, егер де олар кесірткенің үңгіріне кіретін болса, міндетті түрде сендер де кіресіңдер». Сол кезде сахабалар сұрады: «Иә Алланың елшісі! Бұлар яһудилер мен христиандар ма? Пайғамбар: «Олардан басқа кім болмақ», - деді. Хадисті Бухари мен Муслим жеткізген. Сахих Муслимде, Сауба́н (р.а.) Алла елшісінің صلى الله عليه وسلم келесі сөзін жеткізген: «Алла маған жер жүзін бүктеп көрсетті. Сондықтан мен оның шығыс жақтары мен батыс жақтарын көрдім. Үмметімнің иелігі бүктеп көрсетілген жақтарына дейін жетеді. Және маған екі қазына берілді: қызылы мен ағы. Мен Раббымнан үмметім үшін оны түгелімен құрғақшылық арқылы құртып жібермеуін және өздерінен бөтен жаулар олардың иеліктерін басып алмау үшін, билеп-өктем қылмауын сұрадым. Сонда Раббым: “Иә Мухаммад, егер де мен бір нәрсені ұйғаратын болсам, ол қайтарылмайды. Мен, үмметіңді түгелімен құрғақшылық арқылы құртып жібермейтіндігімді бердім, және өздерінен бөтен жауларын иеліктерін басып алмаулары үшін билеп-өктем етулерін, бірін-бірі жойып тұтқындай бастағанға дейін болдыртпаймын, мейлі олар (жаулары) оларға (мұсылмандарға) қарсы жердің әр тарапынан жиналса да”, - деді». Бұл хадисті Бурқа́ни өзінің сахих хадистер жинағында келтіріп, оған пайғамбарымыздың صلى الله عليه وسلم келесі сөздерін қосқан: «Мен өз үмметім үшін адастырушы имамдардан қорқамын. Егер олардың үстіне қылыш түссе, Қиямет күніне дейін көтерілмейді. Менің үмметімнен тірілер мүшірік қатарына қосылмайынша және үмметімнен пұттарға табынатын топтар болмайынша қиямет күні басталмайды. Менің үмметімде отыз өтірікші болады, барлығы да өзін пайғамбарға санайды. Ал мен – пайғамбарлардың мөрімін, менен кейін пайғамбар жоқ. Менің үмметімнен бір топ ақиқатта әрі жеңісте бола бермек. Оларға көмек көрсетпегендер Ұлы Алла Тағаланың әмірі келгенге дейін оларға ешбір зияндық тигізбес».