Скачать "Цифрлы Қазақстан: шикіліктердің кесірінен жұрт сандық технологияның рахатын көрмей келеді"

Осыдан бес жыл бұрын цифрлы мемлекетке көшеміз деп арнайы "Цифрлы Қазақстан" бағдарламасы қабылданып, тиісті қаражат бөлінгенімен жұрт әлі күнге дейін сандық технологияны еркін пайдалана алмай келеді. Шалғай ауыл-аймақтағы интернет желісінің баяу екендігін айтпағанда, осыдан 15 жыл бұрын іске қосылған электрондық үкіметтен анықтама алудың өзі әлі күнге дейін қолданушыға қиындық тудырады. Функциясы көп. Мемлекеттік қызмет түрлерін әп-сәтте алу мүмкіндігі болмай тұрған шақта, ендігі 3 жылдың ішінде нарықта электронды әлемнің қыр-сырын білетін мамандар тапшы болайын деп тұр екен. 3 жылдан бері тоқтаусыз тапсырыс алып келе жатқан бұл шағын айти компаниясына пандемиядан кейін сұраныс күрт артқан. Сала мамандары соңғы екі жылдың ішнде өз ісін дөңгелеткісі келетін әрбір кәсіпорын көпшілікке онлайн қызмет көрсетуді қолға алған дейді. Бизнес өкілдері онлайн қызметсіз ісі тұралап қалатынын жақсы түсінгендіктен, тұтынушыға тиімді сайт, ұялы қосымшаға тапсырыс береді. Бірақ, Алматы мен елордадан басқа өңірлерде айти маман тапшы. Өйткені, сандық технологияның тілін түсіндіріп көрсететін қазақша контент жоқтың қасы. ЕРБОЛАТ МАМЕН, IT компаниясының жетекшісі: – Айти дамуы үшін ол ағылшынмен бірдей жүруі керек. Кодтың өзіне қарайтын болсақ. Ол жерде ағылшынша сөздер негізі. Соны түсіну үшін бізде тілдік барьер бар. Бізде Оңтүстікте ағылшын түгілі орысша да онша емес. Жай оңай тілмен түсіндіретін ютутағы каналдарға қарайтын болсақ көбінесе орысша. Яғни Айти алпауыттардың көшіне ілесу үшін әуелі қазақша контетті даярлайтын тәжірибелі мамандар қажет. Ал халықтың мемлекеттік қызметті электронды түрде алуына ақылды техниканың мүмкіндігі жетеді, бірақ үкімет ескі әдісті пайдаланып отыр дейді Ерболат Мамен. Айти саласының белді маманы Қанат Қожахмет те, 180-нен астам қызмет түрін ұсынатын бұл порталды шұғыл жаңарту қажет деп есептейді. Бір мезетте қолданушылардың саны күрт артып кетсе, істен шығатыны да сондықтан дейді. Ал порталдан мәліметті ала алмаған азаматтардың 1414 бірыңғай байланыс желісінде тағы да күтуіне тура келеді. Цифрлы Қазақстанды дамыту үшін жылына қазіргідей 6 жарым мың емес, 20 мыңнан астам маман дайындап шығару қажет дейді сарапшы. Өйткені кез келген сала айти технологиясыз жұмыс істей алмайтындай шақтың алдын тұр. ҚАНАТ ҚОЖАХМЕТ, Нархоз университетінің ректоры: – Қазіргі Егов платформасы 10 жыл бұрын істеліген. Ал Айтиді білесіз жыл сайын бір нәрсе ауыстыру керек. 100, 200 миллион теңге қаражат керек деп ойлаймын. Бүкіл дүние қазір цифрлық индустрия жаңа үлкен үрдістер шығып жатыр. Мысалы эдтех дейміз, айти мен білімге байланысты, медтех дейміз медицина мен айтиге байланысты. Сонымен қатар, финтех, агротех. 5-10 жылыдң ішінде 40-50 пайыз жаңа вакансиялар ашылады. Қазір нарықта Айти бағытын дамыту үшін 200 миллион долларлап қаражатты банктер құйып жатыр екен. Өйткені тұтынушылардың арқасында қыруар ақша еселеніп қайтарылады. Сала мамандарының бизнеспен қатар үкіметке де жұмыс істеуі үшін оларға билік қазірден бастап тиімді ұсыныстар дайындауы қажет. Әйгерім Ердәулет, думан Сүлейменов Бізді әлеуметтік желіде оқыңыздар: Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1 Facebook - https://www.facebook.com/informburo31/ Instagram - https://instagram.com/informburo31 Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #ЦифрлыҚазақстан #технология #IT #Егов #EGOV