Baixar "Путин Зеленскиймен келіссөз жүргізуге келісті! Украинадағы соғыс! Соңғы жаңалықтар"

Украинадағы жағдай әр сағат сайын ушығып барады. Ресейдің әуе десанттық күштері Чернобыльдегі атом электр станциясын толық бақылауға алды. Ондағы қызметкерлер штаттық режимде жұмыс істеп жатыр. Ал, Украина Президенті Владимир Зеленский: "Ресей бейбіт тұрғындарымызға шабуылдап жатыр, олардың көксегені тұтас Украинаға қысым көрсетіп, Президентті қолға түсіру" деді. Ал Кремль баспасөз хатшысы Дмитрий Песков "Владимир Путин Украинамен келіссөздер жүргізу үшін Минскіге делегация жіберуге дайын" екенін хабарлады. Оның айтуынша, ресейлік делегация құрамында Қорғаныс министрлігі, Сыртқы істер министрлігі және Кремль әкімшілігінің өкілдері болады. Ресей сарбаздары Украинаның ірі қалаларына шабуылдап, әскери нысандар мен қоймаларға ғана емес, елді-мекендерге де оқ жаудырып жатыр. Қазір қалалар мен ауылдардың астан-кестеңі шыққан. Ел дүрлігіп жүр. Жан саулаған халық метроны паналаған. Ал, мына кадрде Днепрдегі ауруханада интенсивті терапия бөлімінде ем алып жатқан нәрестелер бомбадан қауіпсіз жерге ауыстырылды деп жазылған. Интернетке жақындарынан айырылған бейбіт тұрғындар да видео жүктеп, зұлмат соғыc әкелген қайғылы жағдайдарды айтып жатыр. Ал, жалғызбасты ана, Киев маңында тұратын Анна Обоянская есімді әйелдің баласымен үйінде тығылып отырғанына екі күн болыпты. Ал Украина Президенті Владимир Зеленский Ресейдің нөмір бірінші нысанасы мен, бірақ мен Киевтен кетпеймін, фейк ақпараттарға сенбеңіздер, біздің әскер табанды түрде қарсыластарымен соғысып жатыр деді. Әлеуметтік желіде Ресей барлаушыларын тұтқынға алған Украина сарбаздарының бейнежазбалары таралды. Мына кадрларда босап, қираған әскери техникалар анық көрінеді. Ал, Ресей қорғаныс министрлігінің ресми өкілі 150-ден аса Украина сарбазы тұтқындалып, қаруларын тастап берілгенін жариялады. Оның мәліметінше ұсталған әскерилер әр түрлі күштік құрылымның жауынгерлері. ИГОРЬ КОНАШЕНКОВ, РФ Қорғаныс министрлігінің ресми өкілі: – Змеиный аралында Ресейдің қарулы күштеріне 82 әскери азамат берілді. Қазіргі таңда олардан шабуыл әрекеттерін жасамау туралы тілхат алынды. Алдағы уақытта олар отбасыларына қайтарылады. Украиндық Униан басылымы бір тәулік ішінде 57 Украина азаматы мертігіп, 196 адам ауыр жарақат алғанын жазды. Бұл статистика сәт сайын өзгереді. Украинаның көптеген қаласында қан тапсыруға адамдар ұзын-сонар кезекте тұр. Өз еркімен соғысқа аттанғысы келіп әскери бөлімшеге ағылған ер азаматтар да көбейген. Күндіз Украина Президенті Владимир Зеленский қарсыластарымыздың көптеген бағытын тыйдық, Украина әлемдік державалардың көмегінсіз соғысады деді. Зеленский АҚШ пен НАТО-дан әскери көмек сұрағанымен, әзірге АҚШ Президенті Джо Байден Украинаға әскер кіргізбейтінін айтты. Бірақ, Байден Украинамен шекараласатын НАТО құрамындағы мемлекеттерге қауіпсіздік мақсатында әскер жіберді. Владимир Зеленский тек АҚШ-тан ғана емес, Болгария, Эстония, Латвия, Литва секілді "Бухарестік тоғыздыққа" кіретін елдерден де көмек сұрады. Әзірге ешбір мемлекет Украинаға әскери көмек көрсеткен жоқ. Кешелі бері соғыс тоқтасын деп наразылыққа шығып жатқан ресейліктер көбейді. Мәскеу мен Санк-Петербургта тәртіп сақшылары жүздеген адамды ұстап әкетті. Мұндай наразылық әлемнің түкпір-түкпірінде өтіп жатыр. Кей сарапшылар соғыс көп ұзамай аяқталады десе, кейбірі ұзаққа созылады дейді. СЕРІК МОЛДАҒАЛИЕВ, Қазақстандық қоғамдық даму институтының сарапшысы: – Әскери әрекеттері ұзаққа созылмайды. Неліктен? Өйткені екі жаққа да, екі тарапқа ол деген ешқандай пайда келтірмейді. Сол себептен бейбіт жолын тауып, бір келіссөз отырыста шешімге келеді деген ойдамын. Бүгін Владимир Зеленский Ресей Президенті Владимир Путинге "қақтығысты тоқтатайық, бірге отырып келіссөзге келейік" деді. Ал, Путин Қытай халық Республикасының төрағасы Си Цзиньпинмен телефон арқылы тілдесіп Украинадағы жағдайды талқылады. Қытай тарапы "Ресейдің Украина шиеленісін диалог арқылы шешу талпынысын қолдайтынын" мәлімдеді. Ал, Түркия президенті Режеп Тайып Ердоған НАТО саммитінде солтүстікатлантикалық одақ "батылырақ әрекет етуі тиіс, әзірге Батыс Украинаға тек ақыл-кеңесімен ғана көмектесіп жатыр" деді. Бізді әлеуметтік желіде оқыңыздар: Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1 Facebook - https://www.facebook.com/unsupportedbrowser Instagram - https://www.facebook.com/unsupportedbrowser Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31