Baixar "Үш баласымен бірге 9-қабаттан секіріп кеткен әйел оқиғасы: куәгерлер не дейді"

Алматыда жаға ұстатарлық жағдай. 28 жастағы әйел тоғызыншы қабаттан үш баласымен бірге құлап көз жұмды. Қайғылы оқиға бүгін Жетісу-1 шағынауданындағы үйлердің бірінде болған. Келіншектің балаларды терезеден итеріп жіберіп, кейіннен өзі секіріп кеткені рас па? Әйелдің мұндай әрекетке баруына не себеп болуы мүмкін? Бұл сұрақтарға Almaty.tv тілшісі жауап іздеп қайтқан еді. Айдың-күннің аманында тағы бір отбасы қара жамылды. Алматының Жетісу-1 шағынауданындағы көпқабатты үйлердің бірінде 28 жастағы әйел үш баласын алып, 9-қабаттан терезеден секіріп кеткен. Куәгерлердің сөзінше, үш баласы бар келіншек көпқабатты үйдің 9-қабатында пәтер жалдап тұрған. Оқиға шамамен түскі 13.00 шамасында болған. Балалар құлаған орын қазір құммен себіліп, тазаланып қойғанын көруге болады. Жалдамалы пәтерге отбасы мамыр айында көшіп келген. Қапияда көз жұмған балалардың жасы 6, 5 және 2-де болған. Екеуі қыз, біреуі ұл бала. «Жерде балалардың қалай құлап жатқанын өз көзіммен көрдім. Есеңгіреп қалдым. Біреуі 3-4 жасар бала жартылай жалаңаш болды. Бұтында шалбары да болмады. Ата-аналар балаларының өміріне неліктен осылай немқұрайлы қарайтынын түсінбеймін. Өте өкінішті», – дейді куәгерлердің бірі. Ресми мәліметтерге сүйенсек, әйел екі баласымен оқиға орнында тіл тартпай кеткен. Ал бір баласы жедел жәрдем көлігінде қайтыс болыпты. Куәгерлер отбасыны толық, ел қатарлы өмір сүріп жатқан жанұя деп сипаттайды. «Мен олардың қыздарын білемін. Қыздар дүкенге өздері келіп, керек затын сатып алатын. Ешкімге ешқандай зияны жоқ отбасы еді. Балалары таза, ұқыпты болатын», – деді дүкен сатушысы. Полиция департаментінің мәліметінше, оқиға болар алдында әйелі мен жұбайының арасында жанжал туған. Тіпті, әйел өлім алдында хат жазып қалдырыпты. Хатта келіншек өмірдің сынағына шыдамағанын, шаршағанын және ешкімді нақты кінәламайтынын жазған. Марқұмның мұндай жантүршігерлік шешімге не үшін барғаны нақты белгісіз. «Көпқабатты үйдің 9-қабатында орналасқан пәтердің терезесінен 28 жастағы әйел адам үш баласымен бірге секіріп кетті. Қазіргі таңда Қылмыстық кодекстің 105-бабы бойынша іс қозғалып, тергеу тобы құрылды», – деді ПД ресми өкілі Салтанат Әзірбек. Сондай-ақ көршілерінің сөзінше, келіншектің күйеуі 30 жаста және ол Алтын Орда базарында жұмыс істеген. Оқиға болған кезде отағасы үйде болмапты. Үй есігі іштен құлыпталып тұрғандықтан, тергеушілер есікті бұзып кірген. Қазір тергеу жұмыстары жүріп жатыр. Назкен Еркін, Мұрат Тайжанов, «Алматы» телеарнасы Наш сайт - http://www.almaty.tv/ Телеканал Алматы в социальных сетях: 1 канал Youtube - https://www.youtube.com/user/AlmatyUS 2 канал Youtube - https://www.youtube.com/c/AlmatyTVNews Facebook RUS - https://www.facebook.com/almaty.tv Facebook KAZ - https://www.facebook.com/almaty.tv.kaz Twitter - https://twitter.com/almaty_tv instagram - https://www.instagram.com/almaty.tv